Тафоҳумнома барои такмили ихтисоси хизматчиёни давлатӣ

Душанбе, 09.03.2014. (АМИТ «Ховар»,Фарзона Достонзода).-  Донишкадаи идоракунии давлатии назди Президенти Ҷумҳурии Тоҷикистон (ДИД) ва Донишгоҳи Осиёи Марказӣ (ДОМ) оид ба такмили ихтисос ва рушди маҳорати касбии хизматчиёни давлатӣ дар Тоҷикистон тавассути роҳандозии силсилаи омӯзишҳо ва симпозиумҳо 8 апрел дар шаҳри Душанбе Ёддошти тафоҳум ба имзо расониданд.
Тавре ки ба АМИТ «Ховар» аз ДОМ иттилоъ доданд,  дар асоси ин тафоҳумнома, ДОМ ва ДИД дар ҳамкориҳои тарафайн дар ду соли оянда барномаҳои шаҳодатномавии ДОМ оид ба рушди иқтисод ва ҷомеаи маҳаллӣ ва таҳлили сиёсатро барои хизматчиёни давлатии тоҷик таҳия менамоянд. Ин фаъолиятҳо аз ҷониби ДИД, Мактаби маълумоти касбӣ ва давомдору Донишкадаи сиёсат ва идоракунии  давлатии ДОМ амалӣ мегарданд. Ҳамаи фаъолиятҳо дар доираи ин барномаҳо дар ДИД гузаронида шуда, ДОМ ва ДИД хизмачиёни давлатиеро, ки дар мақомоти маҳаллӣ ва минтақавӣ фаъолият доранд, барои иштирок дар барномаҳо интихоб мекунанд.
Ин фаъолиятҳо бо кумаки молиявии Маркази байналмилалии тадқиқоти рушд (International Development Research Centre, IDRC), Канада ва Фонди Оғохони Канада амалӣ мегарданд.