TASPO- озмуни илмию ихтироъкорӣ
Душанбе, 05.04.2014.(АМИТ «Ховар», Раъно Нусратуллозода).-Имрӯз дар Литсей-интернати тоҷикӣ-туркии шаҳри Душанбе озмуни илмию ихтироъкории TASPO доир гардид. Олимпиадаи мазкур аз чор бахш: илмӣ, иҷтимоӣ, технологияи информатсионӣ ва ихтироотӣ иборат буда, дар он 126 хонанда ва 53 муаллим бо 63 лоиҳа иштирок намуд. Муаррифии лоиҳаҳо бо забонҳои тоҷикӣ, англисӣ ва русӣ сурат гирифт. Ғолибони ин олимпиада метавонанд дар олимпиадаҳои лоиҳавии байналмилалӣ, ки дар мамлакатҳои гуногун баргузор мегарданд, иштирок намоянд.
Мавриди зикр аст, ки мудирияти кулли литсей-интернатҳои муштараки тоҷикӣ-туркӣ соли панҷум аст, ки бо мақсади такомули тафаккури мантиқии хонандагон, бедор намудани шавқу рағбати онҳо дар навиштани маърӯзаҳои илмӣ, гузаронидани тадқиқоти илмӣ, зинаҳои аввали ихтироъкорӣ, ёфтани роҳи ҳалли масъалаҳои ғайриоддӣ, татбиқи комёбиҳои соҳаҳои гуногуни илм дар пешбурди тараққиёти соҳаҳои саноат,энергетика, кишоварзӣ, экологӣ озмуни илмӣ ихтироъкории TASPO ро ташкил менамояд.
Ёдовар мешавем,ки ғолибони Олимпиадаи TASPO-2013 дар олимпиадаҳои гуногуни лоиҳавии байналмилалӣ иштирок намуда, 64 медали тилло, нуқра ва биринҷӣ ба даст овардаанд. Инчунин хонандагони литсей-интернатҳои муштараки тоҷикӣ-туркӣ ва мактаби байналмилалии шаҳри Душанбе дар олимпиадаҳои фаннию лоиҳавии байналмилалӣ иштирок намуда, 89 медали тилло, 130 медали нуқра ва 267 медали биринҷӣ соҳиб шудаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






