Телефонҳои боварии «Амонатбонк» фаъоланд

Душанбе, 07.04.2014 (АМИТ «Ховар», Фарзонаи Давлат).- Роҳбарияти Бонки давлатии амонатгузории Тоҷикистон «Амонатбонк» барои дастрасии бештари мардум ба хизматрасониҳои бонкӣ ва ҳалли мушкилоти пешомада телефонҳои боварии бонкро  фаъол намудааст, ки корафтодагон ҳамарӯза метавонанд фикру андешаҳои худро аз тариқи телефонҳои боварии 227 33 11 ва 221 70 81  иброз намуда, ба саволҳои худ посух гиранд.  
Тавре ки дар ин бора аз БДАТ «Амонатбонк» хабар доданд, қабл аз ин роҳбариятит бонки мазкур барои бартараф намудани камбудиҳо ва наздикӣ бо мардум доир ба  масъалаҳои гуногун дар бинои асосӣ ва филиалҳои  бонк қуттиҳои арзу шикояти шаҳрвандонро насб кард, ки шаҳрвандон метавонанд аз тариқи мактуб ба ин қуттиҳо фикру андеша ва пешниҳодоташонро ба роҳбарияти бонк ирсол намоянд. 
Ҳамчунин гуфта мешавад, ки шаҳрвандон метавонанд аз почтаи электронии бонк (info@amonatbonk.tj) истифода намуда, онҳо имкони мактубҳои шикоятиву пешниҳодоти худро ба ин тарз низ дастраси роҳбарият кунанд.