“Тоҷикистон”- беҳтарин меҳмонхона

Душанбе, 19.04.2014. (АМИТ “Ховар”, Марзия Саидзода).-Меҳмонхонаи “Тоҷикистон”дар доираи ҷамъбасти озмуни «Беҳтарин 
тарабхона, меҳмонхона ва ошхона дар соли 2013», ки аз ҷониби шаҳрдории Душанбе эълон  гардид, ҳамчун беҳтарин меҳмонхонаи сол пазируфта шуд. Озмуни мазкур бо мақсади ҳавасмандгардонӣ барои беҳтарин дастовардҳо дар соҳаи хизматрасонӣ, баланд бардоштани сатҳи хизматрасонӣ, рушди минбаъдаи соҳибкории хурду миёна дар пойтахт, таҳкими муносибатҳои судманд бо бахшҳои хусусӣ ва муҳайё намудани шароити созгор барои ҷалби сармоягузорони ватанию хориҷӣ гузаронида шуд.
     Ҳамзамон тарабхонаи “Шом-7” беҳтарин тарбхона ва ошхонаи “Дидор-2013” беҳтарин ошхонаи пойтахт дониста шуд. Ғолибони озмун бо Ифтихорнома ва мукофотҳои таъсисдодаи шаҳрдории Душанбе дар Рӯзи пойтахт сарфароз гардиданд.