Вазъи баррасии парвандаҳои ҷиноӣ дар Кӯлоб

Кӯлоб, 22.04.2014. (АМИТ «Ховар», Сулаймони Хол).-Ба иттилои  раиси суди шаҳри Кӯлоб  Баҳром Шарипов  дар давоми  се моҳи соли ҷорӣ  ба Суди шаҳри Кӯлоб  61 парвандаи ҷиноӣ  дохил  ва баррасӣ  гардид, ки аз ин шумора 14 ададаш парвандаи  ҷиноӣ оид ба  муомилоти ғайриқонунии воситаҳои нашъадор мебошад. 
Инчунин дар ин муддат  ба Суди шаҳри Кӯлоб  241 парвандаи  ҳуқуқвайронкунӣ  дохил гардид, ки 3 адади он ба  риоя накардани   Қонуни ҶТ  «Дар   бораи танзими анъана ва ҷашну маросимҳо»  ва 30 парвандаи дигар  оид ба риоя накардани  Қонуни ҶТ «Дар бораи масъулияти падару модар дар тарбияи фарзанд»   шомил  мебошад. Гуфта мешавад, тибқи нақша кормандони Суди шаҳри Кӯлоб  барои дар сатҳи баланди  сиёсӣ   гузаронидани  20- солагии  Конститутсия (Сарқонун)- и ҶТ  дар байни сокинон  суҳбату вохӯриҳо гузаронида истодаанд.