Вохӯриҳои Хайрулло Ибодзода дар ҳошияи КБРУ

Душанбе, 04.04.2014. (АМИТ «Ховар,  Назир  Назиров ). – Раиси  Кумитаи ҳифзи  муҳити  зисти  назди Ҳукумати  ҶТ  Хайрулло  Ибодзода  дар  ҳошияи  ҷаласаи  Комиссияи  байниҳукуматӣ  оид ба рушди  устувор  бо иҷрокунандаи  вазифаи  директори  дафтари  минтақавии  ЮНЕП барои  Аврупо  Ян Дусик  мулоқот  анҷом  дод.
Тавре ки  аз Кумитаи   ҳифзи  муҳити  зист   ба  АМИТ «Ховар»  хабар  доданд,  ҷонибҳо  дар  ҷараёни  мулоқот  масоили  ҳамкории  минбаъдаи  Комиссияи  байниҳукуматӣ  оид ба  рушди устувор  бо  ЮНЕП – ро  мавриди  муҳокима  қарор  доданд. 
Хайрулло  Ибодзода  ҳамчунин  бо  директори  Маркази  байналмилалии  технологияи  экологӣ хонум Суренда  Шрест  мулоқот  анҷом дод.
«Маркази  байналмилалии   технологияи  экологӣ  дар  бахши  идораи  партовҳо  муваффақона   фаъолият  дорад.  Маркази  мазкур  дар  ин  самт  имкон  дорад, ки  дар  бахши идораи  партовҳо мусоидат  намояд»,  зикр  намуд Суренда Шрест.