Вохӯриҳои судманд бо довталабони пойтахт

Душанбе, 11.04.2014 (АМИТ «Ховар», Фарзонаи Давлат).-Дирўз масъулини Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ҳамкорӣ бо Маркази миллии тестии назди Президенти Ҷумҳурии Тоҷикистон бо мақсади корҳои фаҳмондадиҳӣ бо падару модарон ва хонандагони синфҳои болоӣ-довталабони муассисаҳои таҳсилоти олии касбии нохияҳои Исмоили Сомонӣ ва Шоҳмансури пойтахт вохӯрӣ намуданд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, ҳадаф аз баргузории вохўриҳо фаҳмонидани мақсад ва моҳияти фаъолияти Маркази миллии тестӣ, тартиби супоридани имтиҳонҳои марказонидаи дохилшавӣ, баланд бардоштани маърифати ҳуқуқиву сиёсии аҳолӣ, бахусус насли ҷавон мебошад.
Гуфта мешвад, ки чунин мулоқоту вохўриҳои масъулини Кумитаи ҷавонон, варзиш ва сайёҳӣ имрӯз бо довталабон ва волидони онҳо дар муассисаҳои таълимии ноҳияи Фирдавсии пойтахт дар назар аст. Ҳамчунин чунин мулоқотҳо дар дигар шаҳру ноҳияҳои мамлакат идома   доранд.