Вохӯрии ҳайатҳои соҳибкорони Тоҷикистону Чин
Душанбе, 01.04.2014.(АМИТ«Ховар», Кристина Эрлих). — Вохурии ҳайати соҳибкорони Тоҷикистону соҳибкорони Ҷинӣ дар Душанбе бо сафари корӣ қарордошта бо роҳбарии президенти ширкати «ХУАТЭ» (ҶМЧ) Ден Вэньшен 31 март дар Душанбе баргузор гардид.
Тавре ки аз ПСС ба АМИТ «Ховар» иттилоъ доданд, мақсади вохурӣ барқарор ва рушди ҳамкории дуҷониба дар соҳаи савдои электронӣ , тайёр намудани технологияи иттилоотӣ барои ба вуҷуд овардани шабакаҳои электронӣ дар Тоҷикистон , ҳамчунин истифодаи он дар рушди иқтисодии ҷумҳурӣ ва фаъолноккунии алоқаҳои тиҷоратию иқтисодии ду кишвари ҳамсоя буд.
Зимни мулоқот ҷонибҳо зарурати вусъати муколама миёни Тоҷикистон ва Чинро таъкид намуда, қайд карданд, ки муносибатҳои ду кишвар дар сатҳи ҳамкории мутақобила қарор дорад. Масоили ҳамкорӣ дар соҳаи технологияи иттилоотӣ , рушди тиҷорати электронӣ, ба вуҷуд овардани инфрасохторҳои мусоид барои фаъолияти соҳибкорӣ, ҳамкории минтақавӣ мавриди баррасӣ қарор гирифт.
Дар интиҳои мулоқот Протоколи сеҷонибаи беғаразона дар бораи ҳамкорӣ дар соҳаи тиҷорати электронӣ ва технологияи иттилооотӣ байни Палатаи савдо ва саноати Ҷумҳурии Тоҷикистон, ҶСШП «ШИС» (техналогияи баланд) ва ширкати «ХУАТЭ» ба имзо расид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






