Қаллоб маблағи ҳангуфт ба даст овард
Душанбе, 13.05.2014. (АМИТ «Ховар, Муқаддас Темурзода). – Назар ба хабари ВКД ҶТ, нисбат ба сокини 51 — солаи пойтахт парвандаи ҷиноӣ кушода шудааст.
Сокини 48 — солаи шаҳри Кӯлоб Ҷумъахон Хоҷаев дар аризааш унвонии шуъбаи корҳои дохилии шаҳри Ваҳдат изҳор намуд, ки моҳи сентябри соли 2013 сокини 51 – солаи шаҳри Душанбе Бахтиёр Валиев бо роҳи фиреб аз ӯ 69 ҳазор доллари ИМА – ро қарз гирифта, ба ивази он додани 150 тонна арматураро ваъда карда, бо сабабҳои гуногун қарзро то ҳол барнагардондааст.
Аз рӯи ин ҳодиса мувофиқи моддаи 247 Кодекси ҷиноии ҶТ (қаллобӣ) нисбат ба Бахтиёр Валиев парвандаи ҷиноӣ кушода, тафтишот идома дорад.