Қурби асъори хориҷӣ тағйир ёфт

 Душанбе, 23.05.2014. (АМИТ «Ховар», Лайло Тоирӣ).- Бино ба иттилои   Хадамоти матбуоти  Бонки миллии Тоҷикистон, тайи ҳафтаи ҷорӣ дар нуқтаҳои мубодилаи асъори ҷумҳурӣ қурби доллари ИМА андаке баланд шуда, ба ҳисоби миёна 5,1035-5,1215 сомониро ташкил намуд. 
     Ҳамчунин дар ин давра қурбҳои миёнаи амалиёт бо рубли русӣ ва евро низ каме баланд шуда, 0,1465-0,1475 сомонӣ ба як рубли русӣ ва 6,9570-6,9830 сомонӣ ба як евро баробар шуданд. 
    22 май қурби миёнаи доллари ИМА дар нуқтаҳои мубодилаи асъори шаҳрҳои Душанбе 5,1090-5,1280 сомонӣ, Хуҷанд 5,1200-5,1300 сомонӣ ва Қурғонтеппа 5,1000-5,1200 сомониро ташкил дод.