Қурби асъори хориҷӣ тағйир ёфт

 Душанбе, 16.05.2014. (АМИТ «Ховар», Лайло Тоирӣ).-  Дар давоми ҳафтаи равон қурби доллари ИМА дар нуқтаҳои мубодилаи асъори ҷумҳурӣ каме баланд шуда, ба ҳисоби миёна ба 5,0827-5,1010 сомонӣ баробар шуд. 
     Бино ба маълумоти хадамоти матбуоти Бонки миллии Тоҷикистон, дар ин рӯзҳо қурби миёнаи амалиёт бо рубли русӣ ва евро низ андаке баланд шуда, 0,1432-0,1442 сомонӣ ба як рубли русӣ ва 6,9580-6,9798 сомонӣ ба як евроро ташкил намуд. 
     15 май қурби миёнаи доллари ИМА дар нуқтаҳои мубодилаи асъори шаҳрҳои Душанбе ба 5,0850-5,1050 сомонӣ, Хуҷанд ба 5,0900-5,1000 сомонӣ ва  Қурғон-теппа ба 5,1000-5,1100 сомонӣ баробар аст.