Қурби доллари ИМА паст ва рубли русӣ баланд шуд

Душанбе,30.05.2014. (АМИТ «Ховар», Лайло Тоирӣ).-Бино ба иттилои хадамоти матбуоти Бонки миллии Тоҷикистон, дар давоми ҳафтаи ҷорӣ қурби доллари ИМА дар нуқтаҳои мубодилаи асъори ҷумҳурӣ андаке коҳиш ёфта, ба ҳисоби миёна то андозаи 5,1120-5,1290 сомонӣ паст шуд. 
Дар ин давра қурбҳои миёнаи амалиёт бо рубли русӣ каме баланд шуда, ба 0,1480-0,1490 сомонӣ ба як рубли русӣ ва қурби евро каме паст шуда, ба 6,9380-6,9630 сомонӣ ба як евро баробар шуданд. 
     29 май қурби миёнаи доллари  ИМА дар нуқтаҳои мубодилаи асъори шаҳрҳои  Душанбе 5,1130-5,1310 сомонӣ, Хуҷанд 5,1200-5,1300 сомонӣ ва Қурғонтеппа 5,1100-5,1300 сомониро ташкил дод.