“Ҳаёти шахсиятҳои маъруфи кишвар”-маҳфили адабӣ

Душанбе, 30.05.2014. (АМИТ «Ховар», Фарзона Достонзода). -Маҳфили адабӣ дар мавзӯи “Шахсияти Мирзо Турсунзода ва замон” бо ибтикори Китобхонаи миллии ҷумҳурӣ (КМТ) ва Иттифоқи нависандагон 30 май дар Душанбе баргузор гардид.   
Саттор Турсун, Нависандаи халқии Тоҷикистон перомуни ҳаёт ва эҷодиёти Мирзо Турсунзода ҳарф зада, афзуд, ки эҷодиёти Мирзо Турсузода ба ватандӯстиву инсонпарварӣ бахшида шудааст. Ашъору эҷодиёташро мамолики ҷаҳон эътироф намудаанд. Ва иштирокдорони маҳфил, ки шоирро ба хубӣ мешинохтанду аз эҷодиёташ огоҳӣ доштанд, аз зиндагиномаи Турсунзода нақлҳои аҷиб намуданд. Дар толоре, ки ин маҳфил баргузор гардид, китобҳои шоир ба маърази тамошо гузошта шуданд.
 Ёдовар мешавем, ки маҳфили силсилавӣ аз “Ҳаёти шахсиятҳои маъруфи кишвар” маҳфили аввалин буда, моҳе як маротиба таҳти роҳбарии Нависандаи халқии Тоҷикистон Саттор Турсун дар китобхонаи миллӣ баргузор мегардад.