Ҷаласаи муштараки иқтисодии Тоҷикистону Лаҳистон

Душанбе, 30.05.2014. (АМИТ «Ховар», Мавҷуда Анварӣ). -Аз 5 то 9 июни соли 2014 дар шаҳри Душанбе ҷаласаи Комиссияи муштараки байниҳукуматии ҳамкориҳои иқтисодӣ байни Ҷумҳурии Тоҷикистон ва Ҷумҳурии Лаҳистон (Полша) доир мегардад. 
Интизор меравад, ки дар доираи сафар вохӯрии роҳбарони ҳайатҳои Тоҷикистону Лаҳистон, вохӯрии роҳбари ҳайати Лаҳистон бо роҳбари ҳайати Тоҷикистон-вазири рушди иқтисод ва савдо, Бизнес-Форуми соҳибкорони Тоҷикистону Лаҳистон, мизи мудаввар барои соҳибкорони Тоҷикистону Лаҳистон, ба имзо расонидани Протоколи ҷаласаи Комиссияи байниҳукуматӣ, нишасти матбуотии ҳамраисони Комиссияи байниҳукуматии Тоҷикистону Лаҳистон барои ВАО баргузор гардад. Ҳамчунин ташрифи меҳмонон ба минтақаи озоди иқтисодӣ дар назар дошта шудааст.