Ҷамъбасти мусобиқаҳои варзишӣ дар Восеъ

Душанбе, 16.05.2014 (АМИТ «Ховар», Фарзонаи Давлат).-Пагоҳ,17-уми май дар варзишгоҳи марказии ноҳияи Восеъ мусобиқаҳои ноҳиявӣ, ки миёни варзишгарони наврас барои дарёфти Ҷоми барандаи ҷоизаи ИЖТ ба номи А. Лоҳутӣ, нависанда Садриддин Ҳасанзода тӯли як ҳафта ҷараён доштанд, ҷамъбаст мегарданд.
Дар мусобиқаи мазкур, ки аз рӯи намудҳои футбол, волейбол ва тенниси рӯи миз баргузор шуд, варзишгарони риштаи волейболи шаҳри Кӯлоб, ноҳияҳои Ҳамадонӣ, Фархор ва Восеъ иштирок намуданд.
Ғолибони мусобиқа бо мукофотҳои Кумитаи ҷавонон, варзиш ва сайёҳии назди Ҳукумати Тоҷикистон, Федератсияи футбол ва ифтихорномаҳои ИЖТ қадрдонӣ хоҳанд шуд.