Ҷашни 20- солагӣ муборак, сарҳадбонон!

Душанбе, 23.05.2014. (АМИТ «Ховар», Лайло Тоирӣ).- Тавре ки аз хадамоти матбуоти Вазорати мудофиаи ҶТ иттилоъ доданд, мувофиқи нақшаи чорабинӣ бахшида ба 20-умин солгарди таъсиси Қӯшунҳои сарҳадии Кумитаи давлатии амнияти миллӣ чорабинии низомию варзишӣ баргузор мегардад.  Бо ин мақсад нимаи аввали рӯзи 26 майи соли равон дар майдони Дӯстии пойтахт гузашти низомии ҷузъу томҳои гарнизонҳои Душанбе  пешбинӣ шудааст.
  Бино ба иттилои сарчашма, дар он беш аз 10 ҳазор хизматчиёни Қӯшунҳои сарҳадии Кумитаи амният ва дигар сохторҳои ҳифзи ҳуқуқ  иштирок хоҳанд кард. 
27 май барои афсарону сарбозон дар Кохи Ваҳдати пойтахт консерти идона бо иштироки ситораҳои эстарадаи тоҷик доир хоҳад гашт. 
28 май барои муҳофизони ватан дар гарнизонҳо дастархони идона густурда мешавад.