Ҷашнвораи навбатии ҷази мардумӣ дар Душанбе

Душанбе, 06.05.2014. (АМИТ «Ховар, Марҳабои Азамат). — Аз 15 то 18 майи соли ҷорӣ дар шаҳри Душанбе Ҷашнвораи байналмилалии ҷази мардумӣ баргузор мегардад. Дар ин бора мудири кафедраи санъати мусиқии эстрадии Консерваторияи миллии Тоҷикистон, роҳбарии бадеии Ҷашнвораи ҷази мардумии Душанбе Ҷасур Халилов ба АМИТ «Ховар» хабар дод.Назар ба гуфтаи Ҷасур Халилов, ҳаводорони ҷаз ва худи мутрибон метавонанд аз ин воқеаи калонтарини мусиқии ҷаҳон дар шаҳри Душанбе баҳравар шаванд. «Дар ҳошияи ҷашнвора консертҳо баргузор гардида, мизи мудаввар доир шуда, дар он роҳҳои рушди ҷази мардумӣ мавриди баррасӣ қарор мегиранд. Қобили зикр аст, ки дар ҷашнвора меҳмонон аз Русия, Фаронса, Австрия, Олмон, Қазоқистон, Қирғизистон ва Ӯзбекистон ширкат менамоянд», — гуфт роҳбарии бадеии ҷашнвора.