А. Миралиев бо «Ифтихорнома»-и КБСС сарфароз гардид
Душанбе, 27.05.2014.(АМИТ «Ховар», Марзия Саидзода).-Муовини аввали раиси Маҷлиси намояндагони Маҷлиси Олии ҷумҳурӣ Амиршо Миралиев барои густариши муносибатҳои Ҷамъияти Ҳилоли Аҳмари Тоҷикистон бо Кумитаи Байналмилалии Салиби Сурх /КБСС/ бо «Ифтихорнома»-и КБСС сарфароз гардид. Ифтихорномаро ба Амиршо Миралиев дар маросими расмӣ Кристин Бирли — муовини Президенти КБСС, ки дар Душанбе қарор дорад, супорид. Зимни мулоқоте, ки баъд аз маросими супоридани «Ифтихорнома» байни Амиршо Миралиев ва Кристин Бирли сурат гирифт, мусоҳибон масоили марбут ба тавсеаи ҳамкориҳои Тоҷикистон бо ин ниҳоди байналмилалиро матраҳ намуданд.
Амиршо Миралиев аз фаъолиятҳои густурдаи КБСС дар Ҷумҳурии Тоҷикистон изҳори қанотмандӣ намуда, таъкид кард, ки КБСС дар ҳамкорӣ бо Ҷамъияти Ҳилоли Аҳмари Тоҷикистон мавқеи худро қариб дар тамоми минтақаҳои Тоҷикистон тақвият бахшидааст.
Муовини Президенти КБСС Кристин Бирли аз сатҳи ҳамкориҳои кумитаи мазкур бо Ҷумҳурии Тоҷикистон ибрози қаноатмандӣ намуда, хотирнишон сохт, ки байни ҶумҳурииТоҷикистон ва Кумитаи байналмилалии Салиби Сурх ҳанӯз тамоми имконоти мавҷудаи равобит мавриди истифода қарор нагирифтаанд ва мо умедвор ҳастем, ки ин мулоқот саҳифаҳои ҳанӯз бознашударо дар китоби таърихи равобит боз хоҳанд кард. Кристин Бирли таъкид кард, ки аз тамоми имконот ва шароити мавҷудаи корӣ ҷиҳати тақвияти ҳамкориҳо бо Ҷумҳурии Тоҷикистон истифода хоҳад кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






