Анҷоми мусобиқоти вазнбардорон дар Хуҷанд

Хуҷанд, 27.05.2014. (АМИТ «Ховар», Абдуаҳад  Шарифзода). – Чанде  пеш  дар  шаҳри  Хуҷанд  мусобиқоти  кушода  аз рӯи  вазнбардорӣ  барои  дарёфти  мукофоти   раиси  шаҳр  анҷом  ёфт. Дар  мусобиқот  вазнбардорони  кишвари  мо  ҳафт  медали  тилло ба даст  оварданд.
Тавре  ки  аз Кумитаи  варзиши  вилоят  хабар  доданд, ин  мусобиқот анъанавӣ  гашта ва 14  сол  боз  идома  дорад. 
Дар  мусобиқот, ки дар он  75  нафар  варзишгарони  Тоҷикистон, Қирғизистон, Федератсияи  Русия,  Қазоқистон  ва  Ӯзбекистон  иштирок  доштанд, аз рӯи  ҳашт  намуди  вазнбардорӣ  байни  мардон  ва  шаш  намуди  вазнбардорӣ  байни  занон  сурат  гирифт.