Аудиторҳо оид ба амалиёти шубҳанок иттилоъ ироа менамоянд
Душанбе, 30.05.2014.(АМИТ «Ховар», Марзия Саидзода).- Минбаъд аудиторҳо уҳдадоранд, ки доир ба аҳд ва амалиёти шубҳанок ба мақомоти ваколатдори муқовимат ба қонунигардонии даромадҳои бо роҳи ҷиноят ба дастоварда ва маблағгузории терроризм, ки дар натиҷаи гузаронидани фаъолияти аудиторӣ ошкор мешаванд, иттилоъ диҳанд. Дар ин росто 30 май палатаи поёнии Парлумони Тоҷикистон-Маҷлиси намояндагон ба лоиҳаи Қонуни Ҷумҳурии Тоҷикистон «Дар бораи фаъолияти аудиторӣ» иловаҳо ворид намуд.
Ҷамшед Юсуфиён -муовини аввали раиси Бонки миллии Тоҷикистон ва Сафаралӣ Гулов- муовини раиси Кумитаи Маҷлиси намояндагон оид ба иқтисод ва молия лоиҳаи қонуни мазкурро дар назди вакилони Парлумон тавзеҳ доданд. Зикр шуд, ки иловаҳо ба қонуни мазкур ҷиҳати иҷрои тавсияҳои гурӯҳи татбиқи чораҳои молиявӣ, муқовимат ба софкории пул (ФАТФ), нақшаи чорабиниҳо оид ба мутобиқгардони қонунгузории Ҷумҳурии Тоҷикистон ба тавсияҳои ФАТФ, инчунин «Барномаи давлатии татбиқи Консепсияи пешгуии инкишофи қонунгузории Ҷумҳурии Тоҷикистон дар соҳаи сохтори давлатӣ, ҳифзи ҳуқуқ, мудофиа ва амният барои солҳои 2012-2015» таҳия шудааст.
Тоҷикистон баъд аз узвият ба гурӯҳи АвруОсиёии татбиқи чорабиниҳои молиявии муқовимат ба софкории пул қонуни соҳавиро қабул намуда, ҳамзамон як силсила санадҳои қонунгузориро ба талаботи стандартҳои байналмилалӣ мутобиқ намуд. Лоиҳаи қонуни мазкур бо назардошти стандартҳои гурӯҳи татбиқи чораҳои молиявӣ ба софкории пул омода гардида, қабули он ба тақвияти низоми муқовимат ба софкории пул ва мубориза ба маблағгузории терроризм нигаронида шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






