Барқияи табрикотии гурӯҳи ҷавонон ба Эмомалӣ Раҳмон

Душанбе 23.05.2014 (АМИТ «Ховар», Фарзонаи Давлат).- Як гурӯҳ ҷавонон дар робита ба Рӯзи ҷавонони Тоҷикистон ба Президенти кишвар Эмомалӣ Раҳмон барқияи табрикотӣ фиристодаанд, ки дар он, аз ҷумла  омадааст: 
«Муҳтарам Президент! Шуморо ба муносибати 23 май-Рўзи ҷавонони Тоҷикистон аз сидқи дил  табрику муборакбод менамоем. Таваҷҷуҳу ғамхорӣ ва дастгириҳои  пайвастаи Шумо нисбат ба мо- ҷавонон боиси ифтихор ва толеъбаландист. Табрикоти Шумо ба муносибати Рўзи ҷавонони Тоҷикистон бори дигар мо ҷавононро рўҳбаланд намуд.
Мо ҷавонон ҷавобан ба ғамхориҳои падаронаи Шумо тасмим гирифтаем, ки барои ободу зебо намудани сарзамини аҷдодиамон Тоҷикистон то ҷон дар рамақ дорем, содиқонаву фарзандона хизмат кунем. Шумо аз рўзҳои аввали роҳбариатон пуштибонӣ аз мо намуда, то имрўз садҳо ҷавонони боистеъдодро аз деҳот ба пойтахт оварда, онҳоро дар зери назорати худ қарор додаед, то истеъдодашон тақвият ёфта, дар оянда барои миллат чун мутахассиси хуб хизмат кунанд. 
Мо ҷавонони замони истиқлол аз масъулияти баланди ватандориятон ифтихор намуда, дастуру ҳидоятҳои Шуморо ҳамеша чун рамзи парчами сулҳу ваҳдат болои даст гирифта,  дар амал татбиқ менамоем.
Муҳтарам Президенти Тоҷикистон, 
Бо истифода аз ин фурсати муносибу таърихӣ бори дигар Шуморо бо Рўзи ҷавонони Тоҷикистон муборакбод намуда, ба Шумо саодати рўзгор, умри дарози пурбаракат ва амалӣ гардидани тамоми ниятҳои некро баҳри пешрафту шукуфоии модари азизу ягона- Тоҷикистони соҳибистиқлол таманно менамоем»,-омадааст дар барқияи табрикотии гурӯҳи ҷавонони кишвар.