Баррасии ҳамкориҳои илмии Тоҷикистону Афғонистон
Душанбе,05.05.2014 (АМИТ «Ховар», Фарзонаи Давлат).- Имрӯз президенти Академияи илмҳои Ҷумҳурии Тоҷикистон Фарҳод Раҳимов бо сафири Ҷумҳурии исломии Афғонистон дар Тоҷикистон Абдулғафури Орзу мулоқот кард. Дар вохӯрӣ асосан масъалаҳои илмии байни ду кишвари бо ҳам дӯсту ҳамзабон баррасӣ гардиданд.
Тавре ки дар ин бора котиби масъули АИТ Саёҳат Иброҳимова хабар дод, Фарҳод Раҳимов аз ҳамкории Тоҷикистону Афғонистон, ки солҳои зиёд дар бахшҳои гуногун ба роҳ монда шудаанд, изҳори қаноатмандӣ намуда, иброз доштааст, ки дар оянда кӯшиш бар он мекунем, ки ҳамкориҳои илмии байни ин кишварҳоро боз ҳам густариш дода, мустаҳкамтар намоем.
Гуфта мешавад, ки дар ҷараёни мулоқот Абдулғафури Орзу — сафири Ҷумҳурии исломии Афғонистон дар Тоҷикистон фаъолияти Академияи илмҳои Афғонистонро муаррифӣ намуда, иттилоъ додааст, ки Академияи илмҳои Афғонистон имрӯзҳо дар тобеияти худ Институти илмҳои ҷамъиятшиносӣ, Институти таърих, Институти адабиёт, маркази омӯзиши кушанҳо, маркази омӯзиши забони пашту ва маркази илмҳои табииро доро мебошад ва ба роҳ мондани ҳамкориҳои илмии дуҷониба байни Тоҷикистону Афғонистон барои пешрафти илми мамлакаташон хеле муҳим мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






