Бозгашти варзишгарони тоҷик бо ду нишон аз Олмон

Душанбе, 16.05.2014 (АМИТ «Ховар», Фарзонаи Давлат).-Рўзҳои 9-11-уми май соли равон дар шаҳри Дрездени кишвари Олмон мусобиқаи кушоди қаҳрамонии Аврупо оид ба шотокан — СКИФ — карате — до доир шуд, ки дар он 5 нафар аз дастаи мунтахаби Тоҷикистон таҳти раҳбарии Маҳмадулло Мирзоев, раиси Маркази рушди шотокан-СКИФ каратэ-дои Тоҷикистон барои аввалин бор ширкат карданд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, варзишгарони навраси тоҷик аз мусобиқаи мазкур бо ду медал ба ватан баргаштанд. Фозил Фозилови 8- сола  дар байни писарони 13 — 14 — сола оид ба каратэ-до соҳиби медали тилло ва унвони қаҳрамони Аврупо шуд ва Аниса Ниёзоваи 7- сола дар байни духтарони 14-15- сола медали биринҷӣ гирифт.
Дар чорабинӣ зиёда аз 1,5 ҳазор варзишгар аз 25 давлат ширкат дошт.
Ёдовар мешавем, ки Маркази рушди шотокан-СКИФ каратэ-дои Тоҷикистон расман соли 2012 дар Федератсияи шотокан-СКИФ каратэ-дои ҷаҳонӣ дар Токио ба кайд гирифта шудааст. Сарфи назар аз он ки Тоҷикистон ба ҳайати кишварҳои Осиё шомил аст, дастаи шотокан-СКИФ каратэ-дои Тоҷикистон расман аз ҷониби Федератсияи шотокан-СКИФ-и Аврупо ба ин мусобиқаи бонуфуз даъват шуда буд.