Бозгашти Зебо Аминзода бо шаш медал
Панҷакент, 16.05.2014. (АМИТ «Ховар», Гулбаҳори Худойбердӣ).- Ба наздикӣ дар шаҳри Душанбе мусобиқаи ҷумҳуриявӣ дар байни ҷавонону наврасон оид ба шоҳмот баргузор гардид. Дар мусобиқа беҳтарин шоҳмотбозони дастаҳои шаҳри Душанбе, ноҳияҳои тобеи ҷумҳурӣ ва вилоятҳои Суғду Хатлон ва Вилояти Мухтори Кӯҳистони Бадахшон иштирок варзиданд.
Панҷ нафар шоҳмотбозони шаҳри Панҷакент ҳамчун дастаи яккачини вилояти Суғд дар мусобиқа иштирок намуданд. Дар бозии «рапид» чемпиони соли 2013 Зебо Аминзода, хонандаи синфи 11-и мактаби таҳсилоти миёнаи умумии №15 маҳорати баланд нишон дода, сазовори медали тилло гардид. Ӯ дар бозии «классикӣ» низ медали нуқра ба даст овард.
Дар бозии «рапид» хонандаи синфи 10-и мактаби таҳсилоти миёнаи умумии №71 Қурбонбой Қурбонбоев сазовори ҷои дуюм гардид. Бародари Қурбонбой хонандаи синфи 8-и ҳамин мактаб Комрон дар бозии «Блигз» ба гирифтани медали биринҷӣ ноил гашт.
Дар ҷамъбасти мусобиқа мураббии дастаи яккачини ҷумҳурӣ Неъмат Зиёев гуфт, ки солҳои охир шоҳмотбозони шаҳри Панҷакент дар мусобиқаҳои ҷумҳуриявӣ ва спартакиадаҳои байни мактабҳои олӣ ба муваффақиятҳои назаррас соҳиб мешаванд.
Албатта, ғалаба дар чунин мусобиқаҳои калон осон ба даст намеояд. Имрӯзҳо барои оммавӣ гардидани шоҳмот дар шаҳри Панҷакент аз тарафи раиси шаҳр Хисрави Абдуназар ғамхориҳои зиёд зоҳир мегарданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






