Бозиҳои даври 7 – уми мусобиқот мавқуф гузошта шуданд

Душанбе, 26.05.2014. (АМИТ «Ховар»). – Бозиҳои  даври  7 – уми  мусобиқоти  Тоҷикистон  оид ба  футбол байни  дастаҳои  лигаи олӣ, ки  ба 31  май  пешбинӣ  шуда буданд,  ба  29  май  мавқуф  гузошта шуданд.
Тавре  ки  аз Федератсияи  футболи  Тоҷикистон  хабар  доданд,  бинобар иштироки дастаи  мунтахаби  миллии  Тоҷикистон  дар  вохӯрии  рафиқонаи  байналмилалӣ  бо  дастаи  мунтахаби  Эстония, ки  7  июн  дар  шаҳри  Таллин  баргузор  мешавад, раёсати Кумитаи  иҷроияи  Федератсияи  футболи  Тоҷикистон  тасмим  гирифт, ки  чор  бозии даври  7 – уми  мусобиқоти  ҷумҳурӣ  байгнги  дастаҳои лигаи олӣ  ба  29  май  гузаронида шавад. 
Ғайр  аз ин, бинобар  иштироки дастаи  мунтахаби  наврасони  Тоҷикистон  (U -16)   дар  мусобиқоти байналмилалӣ  барои  дарёфти  Ҷоми  Хазар – 2014, ки  аз  28  май то  7  июн  дар  шаҳри  Боку  баргузор  мешавад, вохӯрии  дастаҳои «Вахш» — и  шаҳри  Қӯрғонтеппа ва  «Регар – ТадАЗ»  — и  шаҳри  Турсунзода дар  даври  7 – уми  лигаи  олӣ  ба  17  июн  гузаронида шуд. Вохӯрии байни  ҳайатҳои  ҷавонони  ин  дастаҳо  16  июн  сурат  мегирад.