Чорабинӣ бахшида ба Рӯзи байналмилалии ҳифзи кӯдакон

Душанбе, 30.05.2014. (АМИТ «Ховар», Раъно Нусратуллозода).-Имрӯз дар шуъбаи махсуси Китобхонаи миллии Тоҷикистон  бахшида ба Рӯзи  байналмилалии ҳифзи  кӯдакон таҳти унвони  “Ҳуқуқи ашхоси дорои имконияти маҳдуд” чорабинӣ баргузор гардид. Дар чорабинӣ вакили Маҷлиси  намояндагони Маҷлиси Олии ҶТ Абдураҳмон Хонзода кӯдаконро бо рӯзи идашон табрик гуфта, дар бораи ҳуқуқу имкониятҳои кӯдакони имконияташон маҳдуд ҳарф зад. 
Дар чорабинӣ бо иштироки кӯдакону наврасони аъзои Китобхонаи  миллӣ, инчунин хонандагони  мактаби таҳсилоти миёнаи умумии №34 шаҳри Душанбе барномаи фарҳангӣ доир гардида, аз тарафи роҳбарони Китобхонаи миллӣ ба кӯдакон туҳфаҳои хотиравӣ тақдим шуданд.
Ёдовар мешавем, ки соли 1949 дар шаҳри Париж бо  қарори конгресси Федератсияи байналмилалии демократии занон 1 июн ҳамчун рӯзи байналмилалии  ҳифзи кӯдакон  қабул  гардид.