Дастури шаҳрдорӣ ба муовинонаш ва раисони ноҳияҳо

Май 16, 2014 16:55

          Душанбе, 16.05.2014.(АМИТ «Ховар», Марзия Саидзода).- То 31 августи соли равон вохӯрии муовинони раиси шаҳри Душанбе ва раисони чор ноҳияи пойтахт бо сокинони ноҳияҳои шаҳр баргузор мегардад. Дар иртибот  ба ин Маҳмадсаид Убайдуллоев -раиси шаҳри Душанбе ба муовинонаш  ва раисони чор ноҳияи пойтахт дастур додааст. Вохӯрӣ дар робита ба таҷлили сазовори ҷашни 90-солагии Душанбе, ҳамчун пойтахти Ҷумҳурии Тоҷикистон гузаронида шуда, дар он ҳамзамон масъулини сохторҳои мухталифи шаҳрӣ, дастгоҳи раиси шаҳр ва намояндагони мақомоти ҳифзи ҳуқуқ ва тартибот иштирок менамоянд.
      Вохӯриҳо тибқи нақша рӯзҳои чоршанбе, панҷшанбе ва ҷумъа бо сокинони кӯчаю маҳаллаҳо гузаронида мешаванд. Дар он масоили марбут  ба рушди иқтисодию иҷтимоии пойтахт, тақвияти омодагиҳо ба ҷашни 90-солагии Душанбе, таҳлили дастовардҳои меҳнатию фарҳангӣ, ободию озодагии ҳар як хонадону маҳалла ва шаҳрак, инчунин иштироки фаъоли шахсони воқеию ҳуқуқӣ дар тарҳрезию амалисозии барномаҳои рушди иқтисодию иҷтимоии  шаҳр ва ҳалли дигар камбудию норасоиҳое, ки дар пойтахт вуҷуд доранд, матраҳ мегарданд. 
   Тибқи нақшаи тасдиқгардида,  Насрулло Хайруллоев- муовини аввали раиси шаҳр бо сокинони калонтарин ноҳияи пойтахт -ноҳияи Сино, муовинони дигари раиси шаҳр Руқия Қурбонова, Низом Ҳакимов ва Ҷамшед Мансуров бо сокинони ноҳияҳои Исмоили Сомонӣ, Шоҳмансур ва Фирдавсӣ  мулоқот мегузаронанд.

Май 16, 2014 16:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд