ДДХ- ғолиби «Андалеб-2014»
Душанбе, 19.05.2014. (АМИТ «Ховар», Раъно Нусратуллозода).-Дар доираи таҷлили 20-солагии Рӯзи қабули Сарқонуни Ҷумҳурии Тоҷикистон, дар факултаи санъати Донишгоҳи давлатии Хуҷанд (ДДХ) ба номи академик Бобоҷон Ғафуров даври ниҳоии фестивал- озмуни «Андалеб-2014» дар байни муассисаҳои олии вилоят баргузор гардид.
Бино ба иттилои сардори маркази иттилоот ва таҳлили Раёсати донишгоҳ Маъмури Юсуфзод, дар он 12 барномаи фарҳангии донишҷӯёни Донишгоҳи давлатии Хуҷанд, аз қабили суруди ҳамсароёни бисёровоза, табрикоти дастаи ҳунарӣ, навозиши умумӣ — дар васфи чаман, намоиши либосҳои қадимаи миллӣ, суруди якка бо номи «Ватан», байтбарак, рақси якка, суруди анъанавӣ «Ушшоқи Калон», бадеҳа, навозиши якка «Навои кӯҳсор», суруди ҳаҷвӣ, сюитаи овозию рақсӣ- « Тоҷикистон» бо санъати баланд намоиш дода шуд.
Ҳакамон ба ин барномаи фарҳангӣ 114 хол доданд, ки баландтарин баҳо байни дигар муассисаҳои олиии вилоят маънидод гардид. Ба чор баромади ин барнома роҳхат барои иштирок дар фестивал-озмуни вилоятии «Андалеб-2014» дода шуд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






