Эъломияи конфронс қабул хоҳад гашт

Май 15, 2014 14:54

Душанбе, 15.05.2014. (АМИТ «Ховар», Лайло Тоирӣ).- «Дар конфронси илмию амалии байналмиллалии «Созмони ҳамкории Шанхай ва таъмини амнияти минтақавӣ: масъала ва дурнамо»  пеш аз ҳама масъалаҳои амнияти минтақа, инчунин як силсила масъалаҳои иқтисодӣ, нақлиёт, обу энергетика низ мавриди баррасӣ қарор гирифтанд. Дар конфронс аз 14 мамлакати дунё меҳмонон иштирок доранд, ки онҳо олимон ва коршиносони давлатҳои аъзои созмон-Қазоқистон, Чин, Қирғизистон, Русия, Тоҷикистон ва Ӯзбекистон, кишварҳои нозири созмон-Афғонистон Ҳиндустон, Покистон, Эрон ва Муғулистон ва шарикони муколамаи созмон Беларус, Туркия ва Шри — Ланка мебошанд. Иштирокчиёни конфронс ду рӯз бо маърӯзаҳои худ баромад намуда, мавқеи худро нисбат ба ояндаи СҲШ муайян хоҳанд намуд»,-гуфт Сайфулло Сафаров, муовини аввали  директори маркази тадқиқоти стратегии назди Президенти Ҷумҳурии Тоҷикистон ба хабарнигори АМИТ «Ховар».
Хотиррасон мекунем, ки Конфронси илмию амалии байналмилалӣ аз 14 то 15 май дар шаҳри Душанбе гузашта истодааст. Имрӯз иштирокчиёни конфронс масъалаи  «Созмони ҳамкории Шанхай ва истифодаи оқилонаи захираҳои обию энергетикӣ дар Осиёи Марказӣ»-ро  муҳокима хоҳанд кард. Намояндагони Тоҷикистон, Афғонистон ва Русия мулоҳиза ва пешниҳодҳои худро доир ба ин масъала иброз менамоянд. 
«Дар фарҷоми  конфронс  иштирокчиён фикру мулоҳизаҳои худро  ҷамъбаст намуда,барои баррасӣ ба сарони давлатҳои СҲШ, ки моҳи сентябри соли равон дар Душанбе бо раисии Тоҷикистон баргузор мегардад, пешниҳод мекунанд»,- афзуд Сайфулло Сафаров.
Дар доираи нишаст дар назар аст, ки Консепсияи рушди СҲШ то соли 2025 бо иштироки роҳбарони ҳайатҳои давлатҳои аъзои созмон мавриди баррасии ибтидоӣ қарор дода шавад ва ҳамчунин бо иштироки онҳо Эъломияи конфронс қабул мегардад. 

Май 15, 2014 14:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд