Фархор: Ташкили ҳашарҳо ҷиҳати ободонӣ

Фархор, 28.05.2014. (АМИТ «Ховар», Сулаймони Хол).-Дар ноҳияи Фархор ба истиқболи санаҳои таърихӣ корҳои ободонию созандагӣ ва бунёди иншооти муҳими иқтисодию иҷтимоӣ ва маишию хизматрасонӣ вусъати тоза пайдо намуда, 78 иншоот мавриди баҳрабардорӣ қарор мегирад. Ба иттилои сармеъмори ноҳия Саидобид Ҳафизов ҷиҳати ободу зебо гардидани кӯчаю маҳаллаҳо ва гулгаштҳо мақомоти иҷроияи ҳокимияти давлатии ноҳия ташкили ҳашарҳои ноҳиявиро роҳандозӣ намудааст. Дар ин самт бо иштироки кормандони идораю ташкилот, муассисаю корхонаҳо ва шахсони алоҳида пайваста ҳашарҳои ноҳиявӣ гузаронида мешаванд.