Гурӯҳи муҳоҷирони меҳнатӣ бо кор таъмин шуданд
Душанбе, 13.05.2014. (АМИТ «Ховар», Лайло Тоирӣ).- Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд дар ҳамкорӣ бо субъектҳои хоҷагидор аз оғози моҳи май ба масъалаи таъмини муҳоҷирони меҳнатӣ бо ҷои кор дар хориҷа кӯшиши бештар ба харҷ дода истодааст.
Бино ба иттилои раёсати ХМ дар вилояти Суғд, аввали моҳи май дар ҳамкорӣ бо ҶДММ “Умури меҳнати ихтиёрии ҷавонон” 58 нафар муҳоҷири меҳнатӣ ба Федератсияи Русия сафарбар шуд.
Бино ба гуфти сардори гурӯҳи муҳоҷирон А. Қаюмов ҳамаи сафарбаршудагон сокинони ноҳияи Бобоҷон Ғафуров мебошанд. Дар асоси шартномаи басташуда онҳо ба муҳлати 11 моҳ дар ноҳияи Дмитровскии вилояти Маскав ба корҳои мавсимӣ машғул мешаванд. Аз ҷониби ҶДММ “Умури меҳнати ихтиёрии ҷавонон” ва ширкатҳои кордиҳандаи Федератсияи Русия ба муҳоҷирон сафари бехатар, ҳимояи ҳуқуқҳои онҳо, ҷои хобу истироҳат ва маоши хуб кафолат дода шудааст. Расмикунонии ҳуҷҷатҳои онҳоро субъекти хоҷагидор пурра ба зиммаи худ гирифтааст.
Қабл аз сафари гурӯҳи муташаккилонаи муҳоҷирони меҳнатӣ кормандони Раёсати Хадамоти муҳоҷират дар Суғд бо онҳо вохӯрданд.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
