Хатлон нақшаи даъватро барзиёд иҷро намуд

Душанбе, 20.05.2014. (АМИТ «Ховар», Мукаддас Темурзода). — «То 19 майи соли 2014 дар ҷумҳурӣ нақшаи даъвати баҳорӣ ба 96,48% расид».  Дар ин бора ба хабарнигори АМИТ «Ховар» корманди масъули маркази матбуоти Вазорати мудофиа Бахтиёр Бозоров иттилоъ дод.
     Вай ҳамчунин изҳор намуд, ки навоҳии тобеи марказ ба сафи Қувваҳои мусаллаҳ 97% даъватшудагонро фиристод. Вилояти Суғд  нақшаи мазкурро ба 90,9% ва ВМКБ аллакай ба 100 % расонид. Комиссариатҳои 4 ноҳияи шаҳри Душанбе то дирӯз нақшаи даъвати ҷавонон ба хизматро ба 98% расониданд.
  Маврид ба зикр аст, ки вилояти Хатлон ин нақшаро 100,7% иҷро намуд, ки ин аз нақша зиёд аст.