Имкониятҳои тиҷоратии ПСС бо Афғонистон ва Покистон

Душанбе, 22.05.2014. (АМИТ «Ховар, Некрӯзи Муҳаммадсодиқ).- Имрӯз, 22 майи соли 2014 бо ибтикори Палатаи савдо ва саноати Ҷумҳурии Тоҷикистон дар якҷоягӣ   бо лоиҳаи USAID  оид ба рушди савдо ва даромади Афғонистон бо мақсади омӯзишӣ имкониятҳои тиҷоратӣ  бо Афғонистон ва Покистон  мизи мудаввар баргузор гардид.
Мизи мудаввари мазкур барои форуми минбаъдаи «Бизнес барои бизнес», ки дар шаҳри Душанбе бо иштироки соҳибкорон аз Афғонистон, Покистон ва Қирғизистон барпо гардид, замина  мегузорад. Инчунин иштироки намояндагони ширкатҳо, ки дар соҳаҳои саноати хӯрокворӣ, бофандагӣ  ва масолеҳи сохтмонӣ  фаолият мекунанд, аз ҷумла намояндагони соҳаҳои нақлиёт  ва бонк дар форуми «Бизнес барои бизнес»  пешбинӣ мегардад. 
Палатаи савдо ва саноати Ҷумҳурии Тоҷикистон ва USAID бо мақсади барпо намудани робита миёни аҳли тиҷорат ва саноат дар Осиёи Марказӣ ва Ҷанубӣ, ки боиси афзоиши додугирифти тиҷоратӣ ва иқтисодиёти солим мегардад, дар якҷоягӣ ҳамкорӣ мекунанд.