Имзои Ёддошти ҳусни тафоҳум

  Душанбе, 20.05.2014. (АМИТ «Ховар). —  Имрӯз,  20  май,  дар  маркази  матбуоти Намоишгоҳи  байналмилалии  Шанхай маросими имзои Ёддошт  дар  бораи  ҳусни тафоҳуми байни  Котиботи  Созмони  Ҳамкории   Шанхай  ва Котиботи Машварат  оид ба  ҳамкорӣ ва  тадбирҳои  ҳусни  тафоҳум  дар  Осиё  бо  иштироки Дабири  кулли СҲШ  Дмитрий  Мезентсев  ва Директори  иҷроияи  Машварат оид ба  ҳамкорӣ  ва  тадбирҳои  ҳусни  тафоҳум  дар  Осиё Чинор Алдемир баргузор  гардид.
Ҷонибҳо  омодагии  худро  ба  густариши  ҳамкории  мутақобилан  муфиду   судманд  аз  рӯи  масоили таъмини  амнияту  суботи минтақа,  муборизаи  зидди терроризм  ва  гардиши  ғайриқонунии  маводи  нашъаовар, муқовимат  ба хавфу хатарҳои нав  тасдиқ  намуданд.
Ин  чорабинӣ ба  ифтихори  мулоқоти 1У сарони   давлатҳо  ва раисони  ҳукуматҳои давлатҳои  аъзои Машварат, ки  аз 20 то  21  дар  шаҳри  Шанхай  идома  меёбад,   роҳандозӣ  шуд.