«Истеъдодҳои ҷавон — 2014»-озмуни аввал

Душанбе, 02.05.2014. (АМИТ «Ховар», Раъно Нусратуллозода).- Бахшида ба 100 — солагии композитор Зиёдулло Шаҳидӣ  Муассисаи давлатии Коллеҷи санъати шаҳри Душанбе  ба номи Аҳмад Бобоқулов озмуни якуми «Истеъдодҳои ҷавон — 2014» — ро баргузор менамояд.
Тавре ки аз Вазорати фарҳанги ҷумҳурӣ иттилоъ доданд, озмуни мазкур ба хотири дарёфти истеъдодҳои ҷавону беҳтарин миёни донишҷӯёни Коллеҷи санъати шаҳри Душанбе дар бахши навозандагӣ ва сарояндагӣ гузаронида мешавад. Инчунин озмун дар тарғиби эҷодиёти композиторони тоҷик ва ҷаҳонӣ нақши муҳим хоҳад бозид. Ғолибони беҳтарини озмун барои иштирок дар озмунҳои ҷумҳуриявӣ ва байналмилалӣ тавсия мешаванд.
Ғолибони озмун бо Диплом ва унвони ҷоизадори озмун қадрдонӣ  мешаванд.