Кӯдаконро нагузоред фалаҷ шаванд
Душанбе, 23.05.2014. (АМИТ «Ховар», Лайло Тоирӣ).-Мувофиқи фармоиши Вазорати тандурустӣ ва ҳифзи иҷтимоии аҳолӣ бо мақсади нигоҳ доштани мақоми Ҷумҳурии Тоҷикистон ҳамчун давлати озод аз бемории фалаҷ, пешгирии пайдоиш ва паҳншавии беморӣ дар миқёси Вилояти Мухтори Кӯҳистони Бадахшон аз 24 то 28 феврали соли 2014 даври якум ва аз 1 то 5 апрели соли 2014 даври дуюми Рӯзҳои эмгузаронии маҳдуд бар зидди бемории фалаҷ дар байни кӯдакони то 5 сола (4 солаю 11 моҳаю 29 рӯза) дар Вилояти Мухтори Кӯҳистони Бадахшон гузаронида шуд. Гурӯҳи мақсадноки то 5 сола 20 ҳазору 719 нафар кӯдакро ташкил медод ва аз ин гурӯҳ дар ду давр 20 ҳазору 504 нафар кӯдак ба эмгузаронӣ фаро гирифта шуданд, ки 98,9%-ро ташкил медиҳад.
Тавре ки аз хадамоти матбуоти Вазорати тандурустӣ ва ҳифзи иҷтимоии аҳолӣ хабар доданд, дар доираи тавсияҳои Ташкилоти умумиҷаҳонии тандурустӣ, аз 14 то 18 апрели соли 2014 даври якуми Рӯзҳои миллии эмгузаронӣ бар зидди бемории фалаҷ дар байни кӯдакони то 5 сола (4 солаю 11 моҳаю 29 рӯза) дар Ҷумҳурии Тоҷикистон гузаронида шуд, Гурӯҳи мақсадноки то 5 сола 1 млн. 106 ҳазору 907 нафар кӯдакро ташкил медод ва аз ин гурӯҳ дар даври якум 1 млн. 092 ҳазору 848 нафар кӯдак ба эмгузаронӣ фаро гирифта шуд, ки 98,7%-ро ташкил медиҳад.
Аз 19 то 23 майи соли 2014 даври дуюми Рӯзҳои миллии эмгузаронӣ бар зидди бемории фалаҷ дар байни кӯдакони синнашон то 5 сола (4 солаю 11 моҳаю 29 рӯза) дар Ҷумҳурии Тоҷикистон гузаронида мешаванд. Гуруҳи мақсадноки то 5 сола 1 млн. 117 ҳазору 179 нафар кӯдакро ташкил медиҳад ва дар рӯзҳои 19-20-май 638 ҳазору 216 нафар кӯдак ба эмгузаронӣ фаро гирифта шуд, ки 57,1%-ро ташкил медиҳад.
Дар айни ҳол эмгузаронӣ давом дорад.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
