Кадрҳои ҷавон бо ҷои кор таъмин мешаванд
Душанбе, 21.05.2014. (АМИТ «Ховар», Раъно Нусратуллозода).-Дирӯз дар Донишкадаи молия ва иқтисоди Тоҷикистон вобаста ба тақсимоти хатмкунандагони ихтисосҳои марбутаи донишкада чорабинӣ гузаронида шуд.
Тавре ки котиби матбуоти донишкада Машҳура Абдуллоева иттилоъ дод, дар чорабинӣ ректори донишкада Ашӯрбой Солиев афзуд, ки кадрҳои омода намудаи мо пас аз 4 соли таҳсил ба тариқи буҷавӣ ба корхонаву муассисаҳои давлатӣ равона мешаванд. Корхонаву муассисаҳо ба хатмкунандагони мо талабот доранд ва ин шаҳодати рақобатпазирии мутахассисони омода намудаи мо ва то ба кадом дараҷа сатҳу сифати дониши онҳо ба талаботи меҳнати ҷаҳонӣ ҷавобгӯ буданро нишон медиҳад. Маблағи давлат ҳамон вақт самаранок сарф мешавад, ки агар шумо дар муассисаҳои давлатӣ фаъолият намоед,- илова намуд ректор.
Ба иттилои сармутахассиси шуъбаи таҷрибаомӯзии донишкада Н. Абдуллоев имсол 150 нафар хатмкунандае, ки аз ҳисоби буҷети давлат таҳсил намудаанд, вобаста ба дархости воридшуда, ба корхонаҳое, ки ниёз ба мутахассис доранд, равона мешаванд. Бояд гуфт, ки хатмкунандагон ба Вазорати молияи Ҷумҳурии Тоҷикистон, Вазорати адлияи ҶТ, Вазорати маориф ва илми ҶТ, Кумитаи андози назди Ҳукумати ҶТ, Агентии омори назди Президенти ҶТ, Бонки давлатии амонатгузории Ҷумҳурии Тоҷикистон “Амонатбонк”, Раёсати молияи шаҳру ноҳияҳо барои оғози фаъолияти корӣ роҳхат гирифтанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






