Китобҳои Туркманистон ба Китобхонаи миллӣ дастрас шуданд

Май 6, 2014 16:53

 
Душанбе, 06.05.2014. (АМИТ «Ховар», Мавҷуда Анварӣ). — Имрӯз Президенти Туркманистон Гурбонгулӣ Бердимуҳаммадов бо ҳайати расмӣ аз Китобхонаи миллии Тоҷикистон боздид ба амал овард. Президенти Туркманистонро сарвазири Тоҷикистон Қоҳир Расулзода ҳамроҳӣ намуд.
Директори китобхона Н.Салимов меҳмононро хайрамақдам гуфта, перомуни хазинаи Китобхонаи миллӣ ва имконоти он маълумоти мухтасар пешниҳод намуд. 
Президенти Туркманистон Гурбонгулӣ Бердимуҳаммадов аз толори намоиши китобии китобхона дидан  намуд, ки дар он ҷо адабиёт роҷеъ ба кишвари Туркманистон ба маърази тамошо гузошта шуда буданд.
Зимни гузоштани соядасти хеш Президенти Туркманистон иброз намуд, ки ин китобхона дар ҳақиқат дар Осиёи Марказӣ яке аз калонтарин китобхона ба шумор рафта, дар сатҳи байналмилалӣ қарор дорад. 
Президенти Туркманистон Гурбонгулӣ Бердимуҳаммадов ба Китобхонаи миллӣ 40 номгӯй китобҳои тозанашри хотиравии калонҳаҷмро такдим намуд, ки дар қатори онҳо ду китоби ҷашнӣ бахшида ба 290- солагии поягузори адабиёти туркман Махдумқулӣ «Ғазалиёт бо забони туркманӣ» ва «Тарҷумаи ғазалиёти Махдумқулӣ» бо 24 забон мебошад. Нусхаи ин китобҳо пас аз нашр дар Туркманистон пеш аз он ки ба дасти хонандаи туркман расанд,  қаблан ба Китобхонаи миллӣ дастрас гардиданд.
 
 

Май 6, 2014 16:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд