Коллеҷи омӯзгории Душанбе номи Хосият Махсумоваро гирифт

Май 19, 2014 15:44

Душанбе, 19.05.2014. (АМИТ «Ховар, Раъно  Нусратуллозода). – 17 май   маросими  ботантанаи  ба Коллеҷи  омӯзгории Донишгоҳи  давлатии   омӯзгории ба  номи С.Айнӣ  додани  унвон  ва  ифтитоҳи  пайкараи Муаллимаи  шоистаи Тоҷикистон,  аввалин  зани  дорои  медали ба  номи  Н.К.Крупская  Махсумова  Хосият  Нусратуллоевна  баргузор  гардид. 
Дар  ин  маросим  муовини  аввали  вазири  маориф ва  илми  ҶТ  Раҳматулло  Мирбобоев,  директори Институти  таърих,  бостоншиносӣ ва   мардумшиносии ба  номи  А.Дониши  Академияи  илмҳои Тоҷикистон  академик  Раҳим  Масов,  директори  Коллеҷи  омӯзгорӣ  Ширин  Қурбонова, мудири  шуъбаи таърихи  навини Институти  таърих,  бостоншиносӣ  ва  мардумшиносии  ба номи  А.Дониши  Академияи  илмҳои  Тоҷикистон  Абдулло  Ғафуров,  ҳамсафон ва  шогирдони  Хосият  Махсумова,  ҳамчунин  дӯстон ва  пайвандонаш  ширкат  доштанд. 
Раҳматулло  Мирбобоев  зимни  сухани табрикиаш  хидматҳои  Хосият  Махсумова   дар  тарбияи  занони   низоми  маорифи  ҷумҳуриро  қайд  намуд. 
Академик  Раҳим  Масов  саҳми  аҳли  оилаи  Қаҳрамони  Тоҷикистон  Нусратулло  Махсум,  аз ҷумла  духтари  мавсуф  Хосият  Махсумоваро, ки беш  аз  30  сол  дар  Омӯзишгоҳ  (ҳоло  коллеҷ), — и  омӯзгорӣ  кор карда, қариб  20  сол  вазифаи директори онро  ба  ӯҳда дошта,   ба  рушди  илму  маорифи  ҷумҳурӣ  саҳми  бузург  гузоштааст,   зикр  кард.
Дар  маросими  ботантана  директорони  собиқу  имрӯзаи  муассисаи  мазкур  Ҳакимова М.Ҳ.  ва  Қурбонова  Ш.И.,  ҳамчунин  шогирдони   Хосият  Махсумова  сухан  карда,  саҳми  бузурги  ӯ  ба  рушди  Коллеҷи  омӯзгориро қайд  намуданд.
Сипас яке аз духтарони  Хосият  Махсумова,  ки дар  Коллеҷи  омӯзгорӣ   кор  мекунаду  анъанаҳои  ин  сулоларо  идома  медиҳад,  суханронӣ  кард.

Май 19, 2014 15:44

Хабарҳои дигари ин бахш

29 ИЮЛ — РӮЗИ ҶАҲОНИИ ПАЛАНГ. Солҳои охир дар сайёра теъдоди ин ҷонвар кам мегардад
НИШАСТИ МАТБУОТӢ. Дар Тоҷикистон зиёда аз 3 тонна маводи нашъаовар мусодира карда шудааст
Имрӯз дар Тоҷикистон хавфи сар задани селҳои пиряхӣ боқӣ мемонад
Имрӯз дар якчанд вазорату идораҳо нишасти матбуотӣ баргузор мегардад
29 июл дар якчанд вазорату идораҳо нишасти матбуотӣ баргузор мегардад
Давоми шаш моҳ аз ноҳияи Фирдавсӣ қариб 1700 нафар аъзои Ҳизби Халқии Демократии Тоҷикистон гардид
Имрӯз дар Тоҷикистон ҳарорати ҳаво ба 34 дараҷа мерасад
Имрӯз дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Пагоҳ дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд