Моҳи август сарнавишти бунёди «Роғун» ниҳоӣ мегардад

       Душанбе, 31.05.2014.(АМИТ «Ховар», Марзия Саидзода).-«Моҳи июн лоиҳаи ҳисобот оид ба баҳогузории иқтисодӣ ва иҷтимоию экологии лоиҳаи сохтмони неругоҳи обии  «Роғун» нашр мегардад». Ин матлабро  Сароҷ Кумар Ҷа — мудири минтақавии Бонки ҷаҳонӣ оид ба Осиёи Марказӣ дар ҷараёни мулоқоташ бо Эмомалӣ Раҳмон -Президенти Ҷумҳурии Тоҷикистон шоми 30 май дар Душанбе иброз дошт. 
    Сароҷ Кумар Ҷа ҳамзамон гуфт, ки дар моҳи июл лоиҳаи мазкур дар ҷараёни вохӯрии намояндагони кишварҳои соҳили Омударё мавриди баррасӣ қарор дода мешавад.
        Назар ба иттилои мудири минтақавии Бонки ҷаҳонӣ оид ба Осиёи Марказӣ ҳисоботи ниҳоӣ баъд аз омӯзиши афкори мардуми  минтақа дар моҳи августи соли равон тасдиқ хоҳад шуд.