Муҳоҷирони тоҷик қарзҳояшонро гирифтанд
Душанбе, 29.05.2014. (АМИТ «Ховар», Лайло Тоирӣ). – Бо мусоидати Намояндагии Вазорати меҳнат, муҳоҷират ва шуғли аҳолии ҶТ дар ФР қарзи маоши муҳоҷирони тоҷик дар ҳаҷми 150 ҳазор рубл пардохта шуд.
Сокини ноҳияи Шаҳритуси вилояти Хатлон Ихтиёр Муродзодӣ, ки дар яке аз тарабхонаҳои шаҳри Маскав кор мекард, роҳбарияти тарабхона бо сабабҳои номаълум пардохти маоши мавсуфро ба таъхир гузошт.
Тавре ки котиби матбуоти Намояндагии Хадамоти муҳоҷирати ҶТ дар ФР Иброҳим Аҳмадов хабар дод, баъди сӯҳбати корманди намояндагӣ роҳбарияти тарабхона қарзро пурра пардохт.
Ҳамчунин шаҳрванди Тоҷикистон Таҳмина Иноятова, ки дар яке аз ширкатҳои табобатии шаҳри Маскав кор мекунад, бо мусоидати Намояндагӣ қарзи маошашро дар ҳаҷми 22 ҳазор рубл ба даст овард.
Мувофиқи маълумоти манбаъ, бо мусоидати Намояндагии хадамоти муҳоҷирати ҶТ ва ФР дар семоҳаи аввали соли ҷорӣ қарзи маоши муҳоҷирони меҳнатӣ дар ҳаҷми беш аз 4 миллион рубл пардохта шуд.
Соли 2013 ба муҳоҷирони меҳнатии Тоҷикистон беш аз 21 миллион рубл пардохта шуд, ки назар ба соли 2012 баробари 3 миллион рубл зиёд аст.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






