Муҳокимаи дурнамоии ҳамкории МОИ «Суғд» бо GIZ

   Душанбе, 24.05.2014. (АМИТ «Ховар,  Лайло  Тоирӣ). —  Чанде  пеш  мушовири оид ба масоили  рушди  сиёсати  иқтисодӣ  ва бахши инфиродӣ  дар Ҷамъияти олмонии оид ба  ҳамкории байналмилалӣ (GIZ)  Марк  Бекманн ва атташеи  бахши  тиҷорати  Сафорати Британияи  Кабир  дар  шаҳри  Душанбе  Фаррух  Султонов  аз Минтақаи  озоди иқтисодии  «Суғд»  боздид  намуданд.
Мақсад  аз  ин  боздид муҳокимаи  самтҳои  имконпазири  ҳамкории  минбаъда,  лоиҳаҳои  дурнамои Минтақаи озоди  иқтисодии  «Суғд» ва  дастгирии   рушду густариши он буд. 
Роҳбари  маъмурият  Фирдавс  Олимов  аз  фаъолияти  асосии Минтақаи  озоди  иқтисодии  «Суғд» мухтасар  нақл  карда, лоиҳаи  инвеститсионӣ ҷиҳати   сохтмони   шохаи   роҳи  оҳан  аз  истгоҳи «Спитамен»  то Минтақаи  озоди  иқтисодии «Суғд» — ро, ки  ҷузви Стратегияи  рушди  Тоҷикистон  барои  соли  2017 маҳсуб  меёбад, муфассал  шарҳ  дод. 
Марк Бекманн  дар  навбати  худ  зикр  намуд, ки  маълумот  дар  бораи  фаъолияти  Минтақаи  озоди  иқтисодӣ  ҷиҳат  и  таҳияи лоиҳаи  стратегии фаъолияти  GIZ дар  Тоҷикистон  барои  солҳои  2015 – 2018 мавриди  истифода  қарор  мегирад.