Муҳокимаи масъалаи навсозии биноҳои сарфакунандаи барқ

Душанбе, 07.05.2014. (АМИТ «Ховар, Назир  Назиров). —  6  май  семинари  дурӯза  дар  мавзӯи  «Навсозии  биноҳои  сарфакунандаи  барқ»  дар  ҳошияи  лоиҳаи «Муносибати муштарак ба  рушди  кишварҳои аз  нигоҳи  иқлим  мусоиди Осиёи  Марказӣ»  ба  кораш  шурӯъ  намуд. 
Семинар  бо  ибтикори Маркази  минтақавии  экологӣ  бо  роҳбарии  профессор,  узви  вобастаи  Академияи  муҳандисии  ҶТ Абдулҳамид Қаюмов ва бо  дастгирии  Кумитаи  ҳифзи  муҳити  зисти назди  Ҳукумати  ҶТ  роҳандозӣ  шудааст. 
Мувофиқи  суханони  манбаъ,  мақсад  аз  семинар  шинос  намудани  иштирокдорони он  бо  вазъи  биноҳои  сарфакунандаи  барқ  дар  Олмон,  аҳамияти лоиҳаҳои таҷрибавӣ   барои   навсозии биноҳои  истиқоматӣ  ва  ғайра  мебошад.
Дар  семинар  намояндагони  маъмурияти   шаҳр  ва  ҳукумат,  шахсони   масъули   навсозии  биноҳои  истиқоматию  ҷамъиятӣ  иштирок  доранд.
Яке  аз  иштирокдорони  семинар,  профессори  донишгоҳи  Берлин,  роҳбари лоиҳаҳои  Ибтикороти  «Хоҷагии  манзилӣ дар  Аврупои  Шарқӣ» Бернҳард  Швартс ҳозиронро  бо  таҷрибаи  кишварҳои  Аврупои  Шарқӣ  дар  бахши коҳиш  додани  талафоти барқи  биноҳои хонаҳои  бетонӣ шинос  намуда,  навореро  бахшида ба  ин  мавзӯъ  намоиш  дод.