Муҳокимаи меҳнати маҷбурии кӯдакон

Душанбе, 20.05.2014. (АМИТ «Ховар», Лайло Тоирӣ).-Муовини якуми вазири меҳнат, муҳоҷират ва шуғли аҳолии Ҷумҳурии Тоҷикистон Эмин  Сангинов рӯзи 19 май бо намояндагони Вазорати меҳнати Иёлоти Муттаҳидаи Амрико Элизабет Волкмир ва Рэналд Хикс мулоқот намуд.
Тавре ки аз Вазорати меҳнат, муҳоҷират ва шуғли аҳолӣ иттилоъ доданд, зимни мулоқот тарафҳо масъалаҳои талоши Ҳукумати Ҷумҳурии Тоҷикистон ҷиҳати кам кардани ҳолатҳои истифодаи меҳнати маҷбурии кўдакон дар ҷамъоварии пахтаро мавриди баррасӣ қарор доданд. Аз ҷумла, дар мулоқот масъалаи мубориза ба муқобили хариду фурўши одамон муҳокима гардид.
Вохўрии мазкур дар фазои ҳусни тафоҳум ва якдигарфаҳмӣ баргузор гардида, ҷонибҳо таклифу пешниҳодҳоро  дастгирӣ намуданд.