Мулоқоти Эмомалӣ Раҳмон бо Чжан Чунсиан

Душанбе, 21.05.2014 (АМИТ «Ховар»).- Имрӯз Президенти Ҷумҳурии Тоҷикистон Эмомалӣ Раҳмон дар роҳи бозгашт аз Шанхай дар шаҳри Урумчии ноҳияи Синзян-Уйғури Ҷумҳурии Мардумии Чин таваққуфи кӯтоҳ намуда, бо Узви Бюрои сиёсии марказӣ, Котиби Кумитаи ҳизбии ин ноҳия Чжан Чунсиан мулоқот намуд.Дар вохӯрӣ масоили ҳамкорӣ бо ин минтақаи фарохи Чин, ки дар ҳамсоягӣ бо Тоҷикистон қарор дорад, баррасӣ шуд.Таваҷҷуҳи зиёд ба масъалаҳои фаъолияти гузаргоҳи сарҳадии Кулма-Қаросу дар ҳамаи фаслҳои сол, ба талаботи байналмилалӣ мутобиқ намудани сифати роҳи мошингарди миёни Тоҷикистону Чин, татбиқи босамари санадҳое, ки бо ин ноҳия ба имзо расидаанд, зоҳир карда шуд.Ба дурнамои робитаҳои ҳасана ва ҳусни ҳамсоягӣ баҳои баланд дода шуд.