Муомилоти ғайриқонунии сангҳои қиматбаҳо ошкор шуд
Душанбе, 31.05.2014. (АМИТ «Ховар», Муқаддас Темурзода). -Тавре ки сомонаи расмии ВКД ҶТ хабар медиҳад, ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия ду нафар сокини ноҳияи Турсунзода бо гумони бастани аҳди ғайриқонунӣ бо металлҳои қиматбаҳо, сангҳои қиматбаҳои табиӣ ё марворид дастгир шуданд.«Дар вақти кофтукови шахсӣ аз дасти Азизҷон Муҳиддинови 21-сола як селофани полиэтиленӣ, ки дар дохилаш 6 адад санги қиматбаҳои ҳаҷмашон гуногун буд, дарёфт ва гирифта шуд. Пас аз ташхис маълум шуд, ки сангҳои қиматбаҳои мазкур ба навъи сангҳои “зумуррад” мансуб ҳастанд. Зимни чорабиниҳои иловагӣ муайян шуд, ки дастгиршуда сангҳои мазкурро аз шаҳрванд Раҷабалӣ Қаюмзодаи 22-сола ба маблағи 1000 доллари амрикоӣ харидааст. Нисбат ба далели мазкур парвандаи ҷиноӣ оғоз гардида, тафтиши пешакӣ идома дорад», — зикр менамояд сарчашма.