Муроҷиати зиёда аз 10 ҳазор нафар ба ХМ

    Душанбе,30.05.2014. (АМИТ «Ховар», Лайло Тоирӣ).-  Тибқи иттилои Раёсати Хадамоти муҳоҷират  дар шаҳри  Душанбе ва шаҳру навоҳии тобеи ҷумҳурӣ, дар панҷ моҳи соли равон ба Раёсати Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар шаҳри Душанбе 10 ҳазору 600 нафар шаҳрванд муроҷиат намуд.
  Аз шумораи муроҷиаткунандагон 10 265 нафар мард ва 335 нафари дигарро  зан ташкил медиҳад. Барои беҳтар намудани фаъолияти меҳнатии муҳоҷирони меҳнатӣ-шаҳрвандони ҷумҳурӣ дар Федератсияи Русия Раёсати Хадамоти муҳоҷират дар шаҳри Душанбе тасмим гирифтааст, шаҳрвандон бе  касбу корро  ба Муассисаҳои таълимӣ барои омӯзиши забони русӣ ва касб фиристанд. 
  Дар айни замон аз 10 600 нафар шаҳрванди муроҷиат намуда, 442 нафар барои омӯзиши забони русӣ ва 513 нафар барои касбомӯзӣ ба муассисаҳои таълимӣ фиристода шуд.
  Ба ғайр аз ин, нисбат ба 1382 нафар шаҳрванди мамлакат маҳдудияти воридшавӣ ба қаламрави Федератсияи Русия муайян шудааст. 
  Аз аввали сол то инҷониб ба шаҳрвандон 31 424 адад буклет оид ба қонунгузориҳои нави Федеролии Русия тақдим  шудааст.
  Кормандони раёсат корҳоро дар ин самт дар оянда низ идома хоҳанд дод.