Мусодираи сангҳои қиматбаҳо дар Хоруғ
Душанбе, 15.05.2014. (АМИТ «Ховар», Муқаддас Темурзода).-Кормандони милитсия бо гумони қочоқи ғайриқонунии металлҳои қиматбаҳо, сангҳои қиматбаҳои табиӣ ё марворид сокини 34 — солаи ноҳияи Мурғоб Галдибой Сатторовро дастгир намуданд.
Тибқи иттилои ВКД номбурда рӯзи 13 май дар ҳудуди шаҳри Хоруғ дастгир шуда, ҳангоми кофтукови шахсӣ аз ӯ ба миқдори 2 кг 145 грамм сангҳои гуногуни рангашон сурхчатоб дарёфт ва мусодира шуданд.
Сарчашма хабар медиҳад, ки мутобиқи маълумотномаи мутахассисон сангҳои мазкур ба сангҳои табиии ёқут мансуб мебошанд.
Нисбат ба далели мазкур парвандаи ҷиноӣ оғоз гардида, тафтиш аз рӯи ҳодиса идома дорад.