“Нақши ҷавонон дар рушди истиқлолияти Тоҷикистон”- конфронс

Душанбе, 20.02.2014 (АМИТ “Ховар”, Фарзонаи Давлат).-Дирўз дар  мақомоти иҷроияи маҳалии ҳокимияти давлатӣ дар ноҳияҳои Фирдавсӣ ва Шоҳмансури пойтахт конфронси илмӣ-амалӣ бахшида ба Рўзи ҷавонон дар мавзӯи «Нақши ҷавонон дар рушди давлати соҳибистиқлоли Тоҷикистон» доир гардид. 
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар кори конфронс муовини раиси кумита Мавсума Муинова, вакили маҷлиси намояндагон Абдураҳмон Хонов ва масъулини сохторҳои марбута  ва ҷавонон иштирок намуданд. 
Дар конфронс масъалаи нақши насли ҷавон дар  тақвияти истиқлолияти комили милливу давлатӣ, густариш ва таҳкими сиёсати иҷтимоӣ-иқтисодӣ ва фарҳангӣ ва эъмори ҷомеаи демократӣ, иҷтимоӣ ва шаҳрвандӣ, эҳёи арзишҳои суннатии миллӣ, шуурнокии насли наврас дар ҳалли масъалаҳои сиёсӣ, иҷтимоӣ ва иқтисодӣ, донишу малака ва ахлоқу фарҳанги насли наврас ва мусоидат баҳри иштироки фаъоли онҳо дар идораи давлат ва ҷомеа мавриди муҳокима қарор дода шуд. 
Гуфта мешавад, ки дар чорабинӣ ҷавонони фаъоли ноҳияҳо бо сипосномаҳои Кумитаи ҷавонон, варзиш ва сайёҳӣ ва туҳфаҳои мақомот қадрдонӣ гардиданд.