Намоиши асарҳои рассоми тоҷик дар Санкт -Петербург

Душанбе, 28.05.2014. (АМИТ «Ховар»,Фарзона Достонзода).- Намоиши асарҳои рассоми тоҷик, дорандаи Ҷоизаи давлатии ба номи Абӯабдуллоҳи Рӯдакӣ Вафо Назаров дар нигористони “Мастер-Класс”-и шаҳри Санкт-Петербург баргузор гардид. Тибқи иттилои Вазорати фарҳанги Ҷумҳурии Тоҷикистон Вафо Назаров дар муддати беш аз 30 соли фаъолияти эҷодии хеш бо ҳунарҳои офаридаи худ Тоҷикистонро дар беш аз 40 кишвари дунё муаррифӣ кардааст. Асарҳои ба намоиш гузоштаи Вафо Назаров дар мавзӯъҳои гуногун ва тарзу усулҳои гуногун офарида шудаанд, ки сокинону рассомони касбии шаҳри Санкт-Петербург пас аз тамошо ба манзараҳои офаридаи ӯ баҳои баланд доданд. Ёдовар мешвем, ки Вафо Назаров бо унвони фахрии «Доктори фахрии фалсафа дар соҳаи ҳунари ҷаҳонӣ» сазовор дониста шуда, дипломро ба ӯ ректор, профессор, академик Санти Ҷаясекера тақдим кард.